Uncategorized

ગુજરાતમાં 2015 ના વર્ષ કરતા 2020 માં 151 સિંહોનો થયો વધારો, PM મોદીએ ગુજરાતના પ્રયાસોને બિરદાવ્યા

205views

ગુજરાતમાં સિંહોની વસ્તીમાં 28.87 ટકાનો વધારો નોંધાયો છે. પૂનમ અવલોકન દરમિયાન જંગલમાં 674 સિંહ જોવા મળ્યા છે. કોરોના મહામારી વચ્ચે સિંહોની સત્તાવાર ગણતરી સંભવ નથી. જેના કારણે વન વિભાગે પૂનમ અવલોકનના આધારે આંકડા જાહેર કર્યા છે. 2020માં ગીરના જંગલમાં એશિયાટિક સિંહોની સંખ્યા વધી છે. આ અંગે પ્રધાનમંત્રીએ પણ ટ્વીટ કરીને ગુજરાતના પ્રયાસોને બિરદાવ્યા છે.

સિંહના સંવર્ધનનું કામ જુનાગઢના નવાબોએ શરૂ કર્યું હતું. તે સમયથી આજ સુધી ગુજરાતમાં સિંહની વસતીમાં સતત વધારો થયો છે. વર્ષ 2015માં છેલ્લે સિંહની ગણતરી થઈ હતી અને તે સમયે 27%નો વસ્તી વધારો નોંધાયો હતો. વર્ષ 2015ની ગણતરી પ્રમાણે ગુજરાતના આઠ જિલ્લામાં 523 સિંહનો વસવાટ હોવાનું નોંધાયું હતું. 2020ના વર્ષમા પુખ્ત વયના નર સિંહ 161, માદા 260 તેમજ પાઠડામાં નર 45, માદા 49 અને વણઓળખાયેલા 22નો સમાવેશ થાય છે. જ્યારે સિંહબાળની સંખ્યા 137 થાય છે. આમ કુલ 674 સિંહો થાય છે.

1990થી 2020 સુધીમાં દર પાંચ વર્ષે સિંહોની સંખ્યામાં થયેલો વધારો