દેશ

સળગતા મુદ્દાઓમાં ઘી હોમવાનું કામ કરતા સેલિબ્રિટીઓ સામે એફઆઈઆર નોંધવા દિલ્હી હાઈકોર્ટમાં અરજી

125views

માત્ર ખોટી પબ્લિસીટી મેળવવાની લ્હાયમાં સળગતા મુદ્દાઓમાં પોતાના નિવેદનથી ઘી હોમવાનું કામ કરતા સેલિબ્રિટીઓ સામે લોકો લાલ આંખ કરી રહ્યા છે. તાજેતરનો દાખલો બોલીવુડ અભિનેત્રી સ્વરા ભાસ્કરનો છે. તેનો એક વીડિયો વાયરલ થયો હતો જેમા તેણે સુપ્રીમ કોર્ટ, સરકાર અને પોલીસની નિંદા કરી હતી. સોશિયલ મીડિયા યુઝર્સે સ્વરાના આ નિવેદનની ભડકાઉ ભાષણ સાથે સરખાણી કરી હતી. આ મામલે એડવોકેટ સંજીવ કુમારે દિલ્હી હાઈકોર્ટમાં એક અરજી દાખલ કરી છે જેમાં સ્વરા ભાસ્કર, સોશિયલ એક્ટિવિસ્ટ હર્ષ મંદર, આરજે સાએમા અને આમ આદમી પાર્ટીના કોર્પોરેટર અમાનતુલ્લાહ ખાન વિરુદ્ધ એફઆઈઆર દાખલ કરવાની માંગ કરી હતી.

મહત્વનું છે કે સ્વરા સતત સીએએ અને એનઆરસીનો વિરોધ કરતી નજરે ચડી રહી છે. તેના ભડકાઉ વિડીયો બાદ ટ્વીટર પર હેશટેગ અરેસ્ટ સ્વરા ભાસ્કર પણ ટ્રેન્ડમાં રહ્યું છે.

દિલ્હી હિંસા પર જાવેદ અખ્તરે પણ તાજેતરમાં ટ્વીટ કર્યુ જે સોશિયલ મીડિયામાં ખૂબ જ ખરાબ રીતે ટ્રોલ થયુ. સોશિયલ મીડિયામાં આવા સેલિબ્રેટીઓનો જોરદાર વિરોધ થઈ રહ્યો છે લોકો કોમેન્ટમાં લખી રહ્યા છે કે શું જાવેદ સાહેબ તમે હત્યારા અને ગુંડાઓને સમર્થન આપી રહ્યા છો.

તો આ તરફ અનુરાગ કશ્યપ પણ પોતાના ટ્વીટર એકાઉન્ટથી સતત રીટ્વીટ કરી રહ્યા છે જેના કારણે પણ તેઓ ટ્રોલ્સના નિશાને છે.