તાજા સમાચારદેશ

18 નવેમ્બરના રોજ શરૂ થશે સંસદનું શિયાળુ સત્ર, 27 બિલો રજૂ કરાશે

18 નવેમ્બરના રોજ શરૂ થશે સંસદનું શિયાળુ સત્ર, 27 બિલો રજૂ કરાશે

આગામી 18 નવેમ્બરના રોજ સંસદનું શિયાળુ સત્ર શરૂ થશે. ત્યારે આ સત્રમાં રામ મંદિર નિર્માણ માટે ટ્રસ્ટ તથા નાગરિકતા સુધારણા બિલ સહિત ઘણા મહત્વપૂર્ણ બિલ રજૂ કરવામાં આવશે. છેલ્લા કેટલાય સમયથી નાગરિકતા સુધારણા બિલનો ઘણો વિરોધ થઈ રહ્યો છે. આ ખરડો કાયદો બન્યા પછી, અફઘાનિસ્તાન, બાંગ્લાદેશ અને પાકિસ્તાનના હિન્દુ, શીખ, બૌદ્ધ, જૈન, ઝોરોએસ્ટ્રિયન અને ખ્રિસ્તી ધર્મ આધારિત લઘુમતી સમુદાયોએને 12 વર્ષને બદલે 6 વર્ષ બાદ ભારતીય નાગરિકત્વ મેળવી શકશે. આ શિયાળુ સત્રમાં સંસદમાં 27 બિલો રજૂ કરવામાં આવવાના છે.

  • રામ મંદિર ટ્રસ્ટ

કેન્દ્રની મોદી સરકાર સંસદના શિયાળુ સત્રમાં રામ મંદિર નિર્માણ માટેના ટ્રસ્ટનું બિલ લાવશે.  આ બિલમાં ટ્રસ્ટની તમામ શક્તિઓ અને સદસ્યોનો ઉલ્લેખ કરવામાં આવશે. આ ટ્રસ્ટમાં કેન્દ્ર, રાજ્ય સરકાર, રામ મંદિર ન્યાસ, નિર્મોહી અખાડાના સભ્યો સહિત નિવૃત્ત ન્યાયાધીશોનો સમાવેશ થઈ શકે છે.

  • નાગરિકતા સુધારણા બિલ

નાગરિકતા સુધારણા બિલ જાન્યુઆરી 2019 માં લોકસભામાં પસાર કરવામાં આવ્યું હતું પરંતુ રાજ્યસભામાં તે પસાર થયું ન હતું. આ પછી બિલ રદ કરવામાં આવ્યું હતું. હવે ફરી એકવાર મોદી સરકાર આ બિલ લાવી રહી છે. આ બિલ આવ્યા બાદ અફઘાનિસ્તાન, બાંગ્લાદેશ અને પાકિસ્તાનના હિન્દુ, શીખ, બૌદ્ધ, જૈન, ઝોરોએસ્ટ્રિયન અને ખ્રિસ્તી ધર્મ આધારિત લઘુમતી સમુદાયોએને 12 વર્ષને બદલે 6 વર્ષ બાદ ભારતીય નાગરિકત્વ મેળવી શકશે.