Featured|દેશદેશ

પશ્ચિમ બંગાળમાં હિંદુ મતદારોને મતદાન કરતા અટકાવ્યા

પશ્ચિમ બંગાળમાં હિંદુ મતદારોને મતદાન કરતા અટકાવ્યા

પશ્ચિમ બંગાળના રાયગંજ લોકસભા બેઠક પર ગઈકાલે મતદાન કરવામાં આવ્યું હતું. અહીંના એક ગામડામાં લગભગ 600 જેટલા હિંદુઓ રહે છે અને આ ગામડામાં મુસ્લિમ બહુમતિ આવેલી છે. અહીંના હિંદુ મતદારોએ એવો આરોપ લગાવ્યો છે કે તેમને મતદાન કરતા રોકવામાં આવ્યા હતા. એક અંગ્રેજી ન્યૂઝ ચેનલે પ્રસારિત કરેલા સમાચારમાં આ પ્રકારનો દાવો કરવામાં આવ્યો હતો.

ન્યૂઝ ચેનલના રિપોર્ટરે સ્થાનિકોને પૂછતાં તેમણે જણાવ્યું હતું કે પહેલા તો તેમને કેટલાક મુસ્લિમો દ્વારા મતદાન મથકે જતા જ અટકાવી દેવામાં આવ્યા હતા પરંતુ તેઓ ગમેતેમ કરીને જ્યારે મતદાન મથકે પહોંચ્યા ત્યારે તેમને કહેવામાં આવ્યું કે તેમના મત પહેલેથી જ અપાઈ ગયા છે. આટલું જ નહીં  અમુક મતદારોના તો વોટર આઈડી પણ ખેંચી લેવામાં આવ્યા હતા.

જ્યારે આ મતદારોને સવાલ કરવામાં આવ્યો કે તેમને શા માટે મતદાન કરતા રોકવામાં આવ્યા અને તેમને કોણે મતદાન કરતા રોક્યા તો સ્થાનિકોએ જણાવ્યું હતું કે હિંદુઓ ભાજપને મત આપશે એ ડરથી તૃણમૂલ કોંગ્રેસના કાર્યકર્તાઓએ તેમને મતદાન કરતા રોક્યા છે.

રાયગંજ બેઠક પર ભાજપના ઉમેદવાર દેબશ્રી ચૌધરીએ પ્રદેશ ભાજપને આ અંગે ફરિયાદ કરતા ભારતીય જનતા પાર્ટીએ કોલકાતામાં ચૂંટણી કમિશનને ફરિયાદ કરી છે. માત્ર ભાજપ જ નહીં પરંતુ અહીં CPIM તરફથી ચૂંટણી લડી રહેલા મોહમ્મદ સલીમના કાફલા પર પણ હુમલો કરવામાં આવ્યો હતો.